Владата го повлече од собраниска процедура предлог-Законот за средното образование. Ова го соопшти претседателката на собраниската комисија за образование, наука и спорт Иванка Василевска на денешната седница, на која присуствува и министерката за образование и наука Весна Јаневска.
Илире Даути и Арбана Пашоли од коалицијата на Европскиот фронт изразија задоволство од повлекувањето на Законот, посочувајќи дека не се согласувале со неколку ставови во овој закон, особено со член 54 со кој се предвидуваше интонирање на државната химна, за што одлучува основачот, на прослава на денот на средното училиште (патронат), на почетокот и на крајот на наставната година и завршувањето на средното образование.
Токму поради ова ДУИ се закануваше дека ќе го блокира носењето на законот со илјадници амандмани. Законот ќе биде доработен па ќе биде вратен во собраниска процедура.
