Владините напори за раздвижување на авио сообраќајот од двата македонски аеродрома досега дадоа одлични резултати.
За неполна година, од Скопје и Охрид се воведени дури 16 нови авио линии до повеќе европски дестинации. Како најново, од есенва на мапата на унгарскиот „Визер“, кој оперира од Македонија, се и Стокхолм, Мадрид, Келн, Бари и Прага.
Добрата вест е што листата на дестинации дополнително се проширува, а за колку и каде јавноста ќе дознае за кратко – од вицепремиерот Александар Николоски и извршниот директор на „Визер“ Јаозеф Варади. Двајцата, на заедничка прес-конференција во Владата, ќе ги соопштат деталите за новите дестинации кои ќе го раздвижат авио сообраќајот што бележи солидни стапки на раст.
За шест месеци превезени се над 1,5 милиони патници – што претставува раст од 6% на скопскиот, односно 10% на охридскиот аеродром.
