По повод 11 Октомври – Денот на народното востание, денеска делегација на Владата, предводена од вицепремиерот и министер за односи меѓу заедниците, Иван Стоилковиќ положи цвеќе пред Спомен-костурницата во Куманово.
-Со овој чин се оддаде достојна почит на хероите кои ги положија своите животи за слободата, достоинството и иднината на македонскиот народ и држава. Вицепремиерот Стоилковиќ истакна дека 11 Октомври останува симбол на борбата против фашизмот и копнежот за слобода и достоинство на македонскиот народ и сите нејзини граѓани и им одаде почит на загинатите борци за слобода, наведуваат од кабинетот на потпретседател на Владата и министер за односи меѓу заедниците.
Делегацијата се поклони пред спомен-обележјето во знак на длабока благодарност и сеќавање на историската жртва и визија на генерациите кои ја поставија основата на денешната држава.
