Првиот заменик-претседател на Владата и министер за европски прашања, Беким Сали, денеска во Њујорк, заедно со претседателот на Владата и владината делегација, присуствуваше на отворањето на Генералната дебата на 81. сесија на Генералното собрание на Обединетите нации.
Генералната дебата започна во 10:00 часот по локално време и ги собра шефовите на држави, високите претставници на владите и меѓународните организации од целиот свет.
Учеството на овој значаен меѓународен форум, како што посочуваат од Кабинетот на министерот за европски прашања, претставува можност за афирмирање на приоритетите на Македонија, зајакнување на меѓународните партнерства и промовирање на дијалогот, соработката и мултилатерализмот.
За време на престојот во Соединетите Американски Држави, министерот Сали ќе учествува на средби и активности со претставници на меѓународните институции и со партнерите на земјата, со фокус на европската перспектива на Македонија, регионалната соработка, одржливиот развој и создавањето подобри можности за идните генерации.
