Недостиг на кадар во градинките има, а државата не сака да прима нов кадар. Повеќе од 1000 барања за лиценци за негувателки и воспитувачки во последните три години фаќаат прашина во фиоките во Министерството за труд и социјала, а државата никако да најде решение за нивно одобрување.
Техничкиот министер Ѓоко Велковски, рече дека во моментов му се врзани рацете поради техничката влада и дека по изборите може да се најде брзо решение за решавање на нивниот статус.
Од општината Илинден рекоа сите сретства кои на име дотации ги добиваат од државата, се пренаменетеи за платите на вработените во градинката „Гоце Делчев“, за разлика од претходните години, кога 80% од парите биле наменети за вработените, а 20% биле за тековни трошоци.
Велковски и Георгиевски при денешната посета на градинката „Гоце Делчев“ во Илинден извршија увид во градежните активности за нејзиното проширување.
Градинката има капацитет за 500 деца, а со проширувањето се предвидува да се запишат уште 150 деца. Во иднина општината вети дека ќе изгради и центар за згрижување на лица со посебни потреби и деке веќе има обезбедено локација за истиот.
Љубиша Владимиров
