Собраниската Комисија за прашања на изборите и именувањата на денешната 53. седница ги утврди предлог-одлуките за разрешување и именување претседатели и членови на одборите за доделување на државните награди „Мајка Тереза“, „22 Ноември“ и „Свети Климент Охридски“.
За претседател на одборот за доделување на државната награда „Мајка Тереза“ е предложен академик Витомир Митевски. За членови се предложени проф. д-р Константин Миновски, проф. д-р Ангел Миов, академик Сашо Цветковски, проф. д-р Сава Пејковска, Владимир Костов, проф. д-р Звонимир Јанкуловски, актерот Рубенс Муратовски, Елизабета Јованоска, д-р Маријан Патлиџанковски, проф. д-р Бесим Мемеди, Мирлинда Вејсели и Абдурауф Прутхи.
Комисијата ја утврди и предлог-одлуката за нов состав на одборот за доделување на државната награда „22 Ноември“. За претседател е предложен проф. д-р Оливер Бакревски, а за членови проф. д-р Андон Чибишев, Летка Димовска-Полизова, Фатма Бајрам-Аземоска, Лиридона Вејсели, Илир Ибрахими, Флорим Ајдини, Бајруш Мијаку, Лилјана Дамовска, Сузана Спасовска, Јасмина Ѓорѓиевска-Павлоска, Живко Поповски-Цветин и проф. д-р Александар Стојков.
Воедно, Комисијата го утврди и предлогот за нов одбор за доделување на државната награда „Свети Климент Охридски“. За претседател е предложен д-р Драги Митревски, а за членови проф. д-р Константин Димитровски, проф. д-р Бошко Ангелоски, д-р Натали Рајчиновска-Павлеска, Марија Давковска-Серафимовска, проф. д-р Ивица Смоковски, актерот Ѓорѓи Јолески, оперскиот пејач Игор Дурловски, проф. д-р Марија Јовановски-Срцева, проф. д-р Горан Ајдински, проф. д-р Исмет Бакиу, проф. д-р Муќерем Руси и проф. д-р Идаете Синани.
Комисијата на денешната 60. седница, по дополнувањето на дневниот ред, ја утврди и предлог-одлуката за разрешување и именување претседател и членови на одборот за доделување на државната награда „Мито Хаџи Василев Јасмин“. За претседател на одборот беше избран Нове Цветановски, а за членови Братислав Ташковски, Драган Милосавлевиќ, Весна Ивановска, Пандорка Арсовска-Гацова, Миле Ристески, Искра Коровешовска, Димитар Петрески, Ранко Младеновски, Гордана Ѓорчева, Елизабета Арсовска, д-р Фатон Мурсели и Сефер Тахири.
Предлог-одлуките ќе бидат доставени до Собранието на натамошно разгледување и одлучување.
