Во една од најголемите руски рафинерии за нафта, во градот Кириши, во близина на Санкт Петербург, изби пожар по украински напад со беспилотни летала, потврди денеска гувернерот на регионот. Пожарот во индустриската зона на градот Кириши е изгаснат.
Ова е втор напад врз рафинеријата за неколку недели. Станува збор за еден од најголемите нафтени капацитети во Русија, со можност за преработка од околу 20 милиони тони нафта годишно.
Извештаи за предизвикана штета од украински дронови се пријавени и во јужниот руски регион Воронеж. Руската војска објави дека соборила 117 украински беспилотни летала во текот на ноќта.
