Веќе втора недела трае голготата на кочанските основци и средношколци. Некои ученици се уште ги немат одржано првите часови.. Голем дел од нив се без наставници, бидејќи градоначалникот Венко Крстевски, не им ги продолжил договорите кои им завршиле на 31 август.Станува збор за над педесеттина наставници во речиси сите училишта во градот и руралните средини.
„За учениците значи недокнадлива штета Не станува збор само за нашите плати, туку и за наставната програма која не може да се спроведе. Јас се прашувам како се спроведува настава во училиште каде има 12 наставници како мене . Има наставник кој не може да одржи настава по математика„ изјави наставник во ООУ „Раде Кратовче”, во Кочани
За да се најде решение на проблемот се вклучи и СОНК. Тие се оптимисти дека до крајот на неделата конечно ќе има разврска на проблемот. Со проблемот се запознати и во МОН , од каде веќе стигнало допис дека градоначалникот треба да формира пралелки со помал број на ученици.
„Одговорот на МОН до градоначалникот, јасно кажува дека треба да ги формира паралелките така како што и биле до сега и аналогно на тоа треба да се продолжи, односно да се примаат наставници за итно и неодложно вработување и да ги врати назад на работа„ изјави Јаким Неделков, претседател на СОНК.
Алфа, проба да да побара одговор од градоначалникот на Кочани, дадли ќе формира паралелки со помал број на ученици, но тој не одговори на нашиот повик.
Инаку од СОНК посочуваат дека кочанскиот случај е единствен во државата каде на наставниците не им се потпишува согласност за нови договори со училиштата, со што под знак прашање се става нивниот единствен извор за егзистенција.
