Здружението за меѓународна младинска соработка „Интерактив“ од Битола денеска во Кичево ќе организира тркалезна маса на тема: „Локални мерки за хуман третман на бездомните животни во Кичево: предизвици и следни чекори“.
На тркалезната маса ќе бидат презентирани наодите од граѓанскиот мониторинг на реализацијата на изборното ветување поврзано со изработката на проект и изградбата на стационар за бездомни кучиња.
Предвидени се обраќања на претставници на Општина Кичево и граѓанскиот сектор, по што ќе следува отворена дискусија за предизвиците, институционалната соработка, потребите на локалната заедница и можните решенија.
Тркалезната маса е активност во рамките на швајцарскиот проект „Програма за поддршка на изборите“, имплементиран од Меѓународната фондација за изборни системи (ИФЕС).
