Универзитетот „Св. Климент Охридски“ денеска на сите универзитетски единици реализира трет уписен рок за студенти бруцоши за што огласени се 1091 слободно место за упис.
Најмногу слободни места за студирање во прва година има на Технички факултет во Битола каде може да се запишат 234 студенти во трите категории за студирање, 170 слободни места има за упис на Педагошки факултет, додека 167 места се огласени за упис на Факултетот за информатички и комуникациски технологии (ФИКТ).
Најмалку слободни места за упис на студенти бруцоши има на Ветеринарен факултет каде може да се запишат 10 студенти за студирање ветеринарна медицина, на Факултетот за биотехнички науки во Битола слободни се 58 места за сите насоки, додека пак Високата медицинска школа во третиот уписен рок огласи 73 места за студирање со партиципација и за вонредни студенти.
Од УКЛО Битола информираат дека денес уписи се вршат во членките на Универзитетот „Св. Климент Охридски“ со седиште во Скопје, Охрид, Прилеп, Велес и во Кичево, односно на Факултетот за безбедност, Факултетот за туризам и угостителство, Економскиот факултет, Технолошко-техничкиот факултет и Правен факултет.
Во првииот и вториот уписен рок за новата академска година, Универзитетот „Св. Климент Охридски“ во сите свои универзитетски единици запиша 1.024 студенти.
