Пониски цени и поквалитетни услуги, граѓаните со оптимизам го очекуваат влезот на третиот мобилен оператор на македонскиот пазар. Дел од нив веруваат дека зголемената конкуренција конечно ќе донесе подобри услови, побрз интернет и поголем избор на пакети, додека други се песимисти, но сепак очекуваат позитивни промени во секојдневното користење на мобилните услуги.
„Услугите подобри би требало да бидат. Поефтини цени и поатрактивни услуги. Мислам дека цените би можеле да се намалат. Очекувам зголемен интернет.“- велат граѓаните.
Со влезот на нов оператор ќе се постигнат повеќе бенефити, државата ќе добие пари бидејќи лиценците се плаќаат, а ќе има нови инвестиции во телекомуникациската мрежа. Споредбено со земјите од регионот, до сега само Макдонија и Албанија имаа по два оператора. Она што е позитивно е дека кај нас сепак влегува нова конкуренција, која треба да донесе подобрување на услугите и намалување на цените.
Дека е потребен нов оператор на пазарот потенцираше и вицепремиерот и министер за транспорт Александар Николоски. Тој смета дека со влезот на третиот мобилен оператор конечно граѓаните ќе имаат избор на подобри услуги и пониски цени.
