Администрацијата на американскиот претседател Доналд Трамп разгледува можности за санкции против претставници на Европската Унија и земјите-членки кои го спроведуваат законот за дигитални услуги, бидејќи смета дека регулативата ги цензурира Американците и ги зголемува трошоците за американските технолошки компании.
Се претпоставува дека санкциите би можеле да вклучуваат визни ограничувања. Конечна одлука за видот на санкциите се уште не е донесена. Европската Унија го воведе законот за дигитални услуги за да создаде побезбеден интернет простор. Големите платформи мора да бидат поефикасни во отстранувањето на нелегалната содржина – од говор на омраза до материјал што прикажува сексуална злоупотреба на деца. Европската комисија нагласува дека регулативата не ја загрозува слободата на изразување, туку ја штити.
