Американскиот претседател Доналд Трамп ги повика Израел и Хамас да се придвижат напред со американскиот мировен план за Газа, додека делегации од трите страни патуваат за Каиро со цел да постигнат договор за прекин на речиси двегодишниот конфликт.
Според Трамп, Израел се согласил на првична линија на повлекување, а примирјето би стапило на сила веднаш доколку Хамас даде целосна согласност.
Хамас соопшти дека е подготвен да влезе во преговори за ослободување на сите заложници, но не ја прифатил безусловно целата содржина на планот.
Израел ќе биде претставуван од министерот за стратешки прашања Рон Дермер, близок соработник на Нетанјаху. Хамас, исто така, испрати делегација во Каиро. Американската делегација ја предводат специјалниот пратеник Стив Виткоф и зетот на Трамп, Џаред Кушнер.
И покрај тврдењата на американскиот претседател дека Израел привремено го запрел бомбардирањето на Газа, болниците известуваат дека вчера загинале најмалку 67 лица, меѓу нив и деца.
