Тодор Конески од Унијата на млади сили (УМС) на ВМРО-ДПМНЕ е новиот потпретседател на YEPP – младинската организација на Европската народна партија. Изборот претставува значаен успех за македонското младинско политичко претставништво на европско ниво.
Пратеникот на ВМРО-ДПМНЕ, Сергеј Попов, преку социјалните мрежи го честиташе изборот, нарекувајќи го „испишување историја“ од страна на УМС.
„Ова е голема валоризација на трудот на УМС вложен изминатите години. УМС е организација која е ценета насекаде во светот!“, напиша Попов во својата објава.
YEPP е најголемата политичка младинска организација во Европа и функционира како младинско крило на Европската народна партија (ЕПП), семејството на европски конзервативни и центар-десни партии. Изборот на Конески се смета за признание за активностите и ангажманот на македонската делегација во оваа организација.
Постот може да го проследите на следниот линк:
