Терапијата за хроничен Хепатит Б конечно ќе биде на позитивната листа, навремени резултати од скрининг тестирања за пациентите наместо чекање три месеци, нова алатка на вештачка интелегенција што ќе алармира кога нешто не е во ред со пациентот преку мерење на само базични параметри. Надлежните велст дека Македонија за прв пат прави огромен чекор напред кон елиминација на толку опасен вирус како што се Хепатитот Б и Хепатитот Ц.
“Цениме дека здравството мора да превенира, затоа овие програми се многу битни за нас како институција, исто така се дел од нашите политики во здравствениот систем. Ценам дека граѓаните навистина ќе ги искористат овие моменти бидејќи се е бесплатно и анонимно.” –изјави министерот за здравство Азир Алиу.
Како дел од програмата за превенција низ повеќе градови се поставени мобилни пунктови за бесплатно и анонимно тестирање со цел рано откривање на Хепатитис Б, Хепатитис Ц , ХИВ. Резултатите се добиваат на лице место за помалку од една минута.
“За прв пат се дефинира патот кон елиминација на еден толку опасен вирус. Со помош на Светската Здравствена Организација, Европската Комисија и сите чинители во нашиот политички и научен круг мислам дека заеднички можеме да направиме нешто кое до сега не било направено.”- изјави Претседателот на здружението „Хепар центар“ – Битола Милан Мишковиќ.
Во Македонија во моментов има околу 40 илјади пациенти кои боледуваат од Хепатит.
“Она што е последица на хроничниот хепатит е развој на црнодробната цироза,а кај пациентите практично таа еволуција во цироза не ја чувствуваат.”- изјави директорката на гастроентерохепатологија Мери Трајковска.
Медицинските лица сметаат дека ова е тивка епидемија и потребно е подигнување на свесноста дека превенцијата и раната дијагностика се најдоброто решение.
Мила Тодорова
