Студентите во Србија, кои се кандидираат со своја листа на претстојните избори во октомври, во Војводина ја споделија програмата од 11 точки, чија имплементација, како што тие велат, треба да доведе до закрепнување на земјата.
Таа се состои од три дела, а целта, според нив, е „да се запре грабежот со одлучувачки рез, да се вратат украдените пари во буџетот и да се инвестираат во образованието и економијата“. Некои од главните точки на програмата се ослободување на судовите и обвинителството со формирање на Специјалната обвинителска полиција, воведување на Закон за потекло и конфискација на нелегално стекнат имот и лустрација на јавни службеници, како и целосна транспарентност на јавните набавки и ревизија на државните проекти. Претходно српскиот претседател Александар Вучиќ ги нападна студентите и изјави дека студентската листа е „безимена“, „без програма и планови“ и „листа од која сите се срамат“.
