Минимално повисоки сметки за струја во Новата година за македонските граѓани. Од овој месец просечната цена на електричната енергија за домаќинствата е зголемена за 0.92 % или тоа би значело дека сметка од 2 000 денари по новите цени за истата потрошувачка ќе се зголеми за само 22 денари.
Според блок тарифите, најмало зголемување ќе имаат оние кои штедат најмногу или потрошувачите од првиот блок за кои цената порасна за 0.68 %, во вториот блок цената се зголемува за 0.9%, во третиот блок порастот изнесува 1,93%, а во 4-тиот, за оние што трошат најмногу зголемувањето е најголемо или 2,24%. Струјата во евтината тарифа поскапува за 0.9%, а останува во истиот период од 13-15 часот дневна тарифа од понеделник до сабота и ноќна тарифа од 22 часот. Македонија е единствената држава во регионот со евтина дневна тарифа.
Минималното поскапување го очекуваа и од Владата од каде посочија дека нема да дозволат ценовен шок за граѓаните иако наследената состојба во државните електрани е катастрофална. За време на Владата на Мицкоски ова е втора одлука за цената на струјата. Во јуни минатата година се спречи ценовен шок со законски измени, тогаш имаше минимално поскапување, пониско од 1 отсто за потрошувачи од
вториот, третиот и четвртиот блок.
Во некои од земјите од регионот Нова година донесе сериозно поскапување на цената на електричната енергија. Во Бугарија, домаќинствата ќе плаќаат струја која е поскапа за дури 8,42 отсо, што е нешто минимално пониско од првите најави на Регулаторот дека зголемувањето ќе биде 9 отсто. Цената на трите компании снабдувачи таму се зголемува од 8,36 до 8,55 отсто. Главната причина, како што пренесуваат медиумите е поради зголемените прогнози на пазарот на електрична енергија и зголемените трошоци на базната енергија за 23 отсто.
Во Црна Гора има поскапување на Струјата за домаќинствата кои се со двотарифен модел за 3,41 отсо, а во Република Српска пак цената на струјата за домаќинствата порасна во просек за 7,9 отсто.
