Експертска и техничка поддршка од Британска компанија за изградба на брзата пруга од Гевгелија до Табановце која е дел од првиот инвестициски циклус и најголемиот проект што ќе се реализира со биртанските пари. Вицепремиерот Николоски станува збор за компанијата „Crossrail“ , која ja изградела најновата и најдолгата линија во Лондон, односно првата дигитализирана метро линија во тој дел од светот . Ако се суди по големината на проектот Македонија добива врвна експертиза и двојни бенефити, Од една страна сигурна и квалитетна реализација, а второ добиваме искуства и обука на кадар.
Во однос на железницата разговараме да добиеме техничка подршка од најсилната компанија во Велика Британија, се работи за “Crossrail”. Тоа е компанијата која ја изгради најновата и најдолгата линија во Лондон, првата дигитализирана метро линија во овој дел од светот, тоа е метролинијата “Елизабет” која е крстена по Кралицата Елизабета. Така што зборуваме за тојфунти, значи само овој проект е 4 пати поскап од тоа што ние имаме како аранжман. Со тој профил на луѓе преговараме да дојдат да ни помогнат затоа што таквата помош е двонасочна. Едно е краткорочна, бидејќи имате сигурна и квалитетна реализација на проектот, а второ обучувате кадри за во иднина, рече вицепремиерот Николоски во интервју за националниот сервис
Договорот Влада со Влада со Обединетото кралство кој беше потпишанб вчера во Лондон, се очекува да отвори поле за градежна експанзија и инвестиции во најранливите сектори во државата, продлабочување на економската соработка и зацврстување на билатералните односи.
Бизнисот ја поддржува намерата за вложување во капитални инвестиции, но она што е клучно за домашната оператива е да бидат вклучени во проектите Домашните капацитети се делумно ограничени за да можат да ја поддржат широката градежна експанзија, меѓутоа од бизнисот велат дека е важно да бидат вклучени и проектите да ги изработат квалитетно… Како бенефит од договорот се очекува македонското градежништво повторно да стане конкурентно,
За жал заради годините на девастација би рекол и во децениите, во Македонија градежниот сектор скоро и да колабираше, голем број на фирми банкротираат и јас се надевам дека со ова ќе ги внесеме во фаза каде повторно ќе бидат меѓународно конкурентни какви што беа во едни претходни времиња и затоа овој аспект за пренесување на знаења е многу значаен”-истакна вицепремиерот Николоски.
Велика Британија стави на располагање пет милијарди фунти, поддршка од британската владина извозно кредитна агенција „УК експорт фајнанс“, а најавите се дека првите пари ќе бидат искористени во три сета на проекти. што е досега познато е дека ќе станува збор за проектно финансирање, односно ќе станува збор за серија на кредити, а рочноста ќе зависи од проекти. Заложбите на владата се да се испреговара грејс период кој ќе биде еднаков на периодот потребен за подготовка на проект, односно да враќаме пари откако проект ќе стане профитабилен. Следниот чекор е ратификација на договорот во Собрание, а треба да го усвои и британската влада .
