Триесет и седумгодишниот Александар Стојановски и триесет и четиригодишниот Петар Мијалков, се среќниците кои денеска го извадија светиот крст од водите на река Брегалница.
Фрлањето на крстот во Штип се одржува на две локации, едната кај градинката „Астибо“ , а другата во историското Ново Село. И двајцата веќе неколкупати учествуваат во фаќањето на крстот, а на верниците им посакаа здравје и спасение за сите. По осветување на водите митрополитот на брегалничката епархија, Господин Иларион и градоначалникот на Штип, им го честитаа празникот на сите верници, а на Стојановски и Мијалков им подарија пригодни подароци.
