Продолжуваат преговорите за прекин на војната во Украина. По средбата со Владимир Путин, Доналд Трамп денеска е домаќин на Володимир Зеленски и европските лидери.
За разлика од рускиот претседател кој со црвен тепих и големи почести беше пречекан на Аљаска, првите луѓе на Велика Британија, Франција, Германија, Италија, заедно со Зеленски и генералниот секретар на НАТО, скромно пристигнаа во Вашингтон, со надеж дека ќе издејствуваат подобра преговарачка позиција.
Зеленски пред средбата изрази благодарност за покана и рече дека и тој сака брзо и сигурно да заврши војната. Трамп пак смета дека Украина, доколку сака, веднаш може да ја заврши војната со Русија, но како нереално го оцени барањето на Киев да се приклучи на НАТО и да го врати Крим под своја контрола.
