Претседателот на Собранието Африм Гаши, денеска имаше средба со Делегација на Сенатот на Француската Република предводена од Марта де Сидрак, сенаторка и претседателка на Групата за пријателство Франција – Западен Балкан. Во составот на Делегацијата беа Арно Базен, сенатор и претседател кој е надлежен за Македонија, Ален Милон, сенатор и претседател кој е надлежен за Косово како и сенаторката Лоранс Арибе, надлежна за Црна Гора.
Претседателот Гаши, информираат од собраниската прес-служба, во името на пратениците и во свое име им се заблагодари на сенаторите за активната заложба на сенаторите за унапредување на односите меѓу двете држави како и за постојаната поддршка што земјата ја добива од Француската Република на својот пат кон членство во Европската Унија.
Сенаторката Марта де Сидрак како и другите сенатори се интересираа за спроведување на потребните реформи на земјата како и за исполнување на сите потребни критериуми за зачленува на земјата во Европската Унија.
Претседателот Гаши истакна дека европската интеграција останува наш врвен стратешки приоритет и земјата е цврсто определена да продолжи со реформите и исполнување на европската агенда. Тој ја нагласи потребата за предвидливот на процесот на проширувањето кон Европската Унија и конечно завршување на тој процес. Патот на нашата држава кон зачленување во Европската Унија трае исклучително долго и е многу комплексен.
Сенаторите искажаа големо задоволство за размената на мислење со претседателот Гаши и добивањето на многу јасна слика за напорите и реформите што ги прави земјата како и предизвиците со кои се соочува на тој пат.
