Министерот за правда, Јетон Шасивари оствари работна средба со претседателот на Адвокатската комора Лазо Ѓорѓиевски на која беа разменети мислења за актуелните состојби и реформските процеси кои се од значење за унапредување на правосудниот систем.
Како што соопшти Министерството за правда, за успешна реформа на правосудниот систем потребен е отворен и суштински дијалог со сите професии и институции при креирањето законски решенија кои треба да обезбедат поголема правна сигурност и ефикасна заштита на правата на граѓаните.
-Соработката меѓу Министерството за правда и Адвокатската комора ќе продолжи и во иднина со цел создавање модерен, ефикасен и професионален правосуден систем, во согласност со европските стандарди – посочуваат од правда.
