Градоначалникот на Општина Куманово, Максим Димитриевски, денеска оствари средба со вршителот на работи при Амбасадата на САД, Никол Варнс, претставници од Амбасадата, на која беа разгледани можностите за унапредување на соработката и развивање нови проекти од повеќе општествени области, информираа денеска од општина Куманово.
Од Општина Куманово информираат дека средбата се одржала во пријателска атмосфера, при што претставниците на Амбасадата се запознале со работата и функционирањето на локалната самоуправа, како и со можностите за унапредување и развивање нови проекти од повеќе области. Посебен акцент бил ставен на создавањето можности за младите и развивањето млади лидери, кои би придонеле кон идниот развој на локалната заедница.
Во рамки на средбата, присутните имале можност да проследат и видео-презентација за индустриските зони „Новини и Речица“, преку која биле претставени потенцијалите и капацитетите на Општина Куманово.
