Реклама

Хаосот со кравите во Крива Паланка ја премина секоја граница, ВМРО-ДПМНЕ му нуди готов акциски план на градоначалникот Митовски

Последниот бугарски цар „политички некоректен“ кон Радев: Местото на Македонија е во ЕУ, историјата да се остави на историчарите

Пензиите, игрите на среќа и наплатата на даноци во фокусот на пратеничките прашања

Цанов објави нови пораки од Ива Михајлова: „Сите ќе умреме уште вечерва“ – барала да го повлече видеото за наводните притисоци од ДАНС

Владата ќе ги модернизира патарините, дигитализацијата и вештачката интелегенција треба да бидат во функција на побрзо патување

На повидок раскол во ДУИ: Груби и Османи, преку свои верни пиони влегоа во отворен судир за превласт

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Македонија

Спроведена вонредна инспекциска контрола, кујната во РЕК „Битола“ привремено затворена

Инспекциските служби на Агенцијата за храна и ветеринарство (АХВ), вчера, по добиена…

Сподели:
Фото: Алфа Вести

Инспекциските служби на Агенцијата за храна и ветеринарство (АХВ), вчера, по добиена телефонска дојава за сомнеж за труење со храна во РЕК „Битола“, во соработка со ЈЗУ Центар за јавно здравје – Битола, Институтот за јавно здравје – Скопје и инспектори на Државниот санитеран и здравствен инспекторат, спроведоа вонреден инспекциски надзор во кујната на операторот што вршел снабдување со храна на РЕК „Битола“.

АХВ соопшти дека во координирана акција земени се мостри од храна и брисеви од работните површини, рацете и носот на затекнатите вработени лица во кујната.

Во согласност со Националниот протокол за постапување во случај на сомнеж за појава на алиментарни инфекции и интоксикаци, кујната на операторот со храна е привремено затворена, односно дадена е забрана за вршење дејност подготовка и послужување храна од неа сè до завршување на инспекциската постапка и добивање уредни наоди од лабораториските испитувања на земените мостри и брисеви.

Реклама

Наредено е вонредно чистење и дезинфекција на објектите и опремата и спроведување вонредни санитарни прегледи за сите вработени лица. Инспекциската постапка продолжува, наведуваат од АХВ.

Во меѓувреме, од РЕК „Битола“ потврдија дека привремено е затворена кујната, а работниците од синоќа и денеска добиваат сув ладен оброк, информираа од комбинатот.

Одлуката на санитарната инспекција доаѓа по вчерашната појава на здравствени проблеми, стомачни тегоби, кај работници на РЕК „Битола“, кои јаделе лазања со сос.

Во текот на вчерашниот ден, до 15 часот беа регистрирани 81 преглед во Инфективното одделение на ЈЗУ Клиничка болница – Битола, а ноќеска и претпладнево лекарска помош побарале уште 30 лица.

Со кујната во РЕК „Битола“ управува хотелот „Молика“, од каде што потврдија дека здравствениот проблем е изолиран случај бидејќи секојдневно од кујната на хотелот за работниците во РЕК „Битола“ се испорачуваат приближно 1.600 порции храна, а здравствен проблем е регистриран само кај одредени работници со лесна клиничка слика.