Прилепското Основно јавно обвинителство во текот на денешниот ден треба да добие известување од полицијата за случајот со повреденото 11-годишно дете кое падна од највискиот, трети кат, од зградата на основното училиште „Гоце Делчев“ во Прилеп и се здоби со тешки повреди. Обвинителството претходно ѝ дало насоки на полицијата како да постапи и да ги извести.
„Од досегашните сознанија сметаме дека станува збор за несреќен случај, но на полицијата ѝ дадовме насоки да изврши разговори со медицинските лица кои интервенирале во случајот, со вработените од училиштето и со други лица. Во текот на денешниот ден ќе добиеме извештај од полицијата за да се знае како понатаму да се постапи“, вели обвинителката Лидија Салатоска Илиоска.
Немилиот настан се случил во понеделникот на големиот одмор во попладневната смена. Ученикот се лекува на Детска хирургија во Скопје. Од училиштето известија дека станува збор за примерен, дружелюбив и одличен ученик.
