Свесно и со знаење на Министреството за земјоделство, се трујат корисниците на тутун, со што се постапува спротивно на политиките на Рамковната конвенција за контрола на тутунот на Светската здравствена органицација во која и нашата држава е член од 2006 година, реагираат од Социјалистичката партија на Македонија.
Од таму објаснуваат дека претходно објавиле дека Правилникот за видот на штетните материи, како и начинот и методите за земање на примероци за утврдување на штетните материи и другите загадувачки контаминенти (физички, хемиски, и биолшки) во обранотениот тутун и производите од тутун, е ставен вон сила уште од 14 фебруари 2024 година, укинат со Одлука на Уставниот суд, а до денес не е донесен нов или 15 дена МЗШВ и Директорот на Државниот Инспекторат за земјоделство не постапуваат по закон.
-Отворено прашуваме, кој врши контрола на присуство на кадмиум, жива, арсен, хром, олово, никел предвидени со поблизок пропис, но и резидиуми од активни супстанции? Молкот на Николовски како непосреден виновник зборува многу. Одговорност за овој, како и за низата други злоупотреби во секторот за земјоделство, набрзо ќе има, велат од СПМ.
