Синоќа во Струмица е пуштено во употреба поставеното ново осветлување на помошните фудбалски терени.
Како што соопштија од Општината, поставени се нови 16 рефлектори, со што значително се подобруваат условите за тренинг и секојдневна работа на младинските категории.
-Овие терени се место каде што секојдневно тренираат голем број млади фудбалери од „Беласица“, „Брера Струмица“ и „Тиверија Брера“. Новото осветлување ќе овозможи подобра организација на тренинзите и поголема искористеност на спортските капацитети, се наведува во соопштението.
Проектот е реализиран во соработка со Фудбалската федерација на Македонија, а на настанот покрај градоначалникот на Струмица, Петар Јанков, присуствувал и генералниот секретар на ФФМ, Леонид Јандреоски.
