Со прегратки и здравица за подобра и поуспешна година, Скопјани, но и многу граѓани од внатрешноста и од странство ја дочекаа и си ја честитаа Новата 2026-та година на Плоштадот Македонија во центарот на Скопје. Во одлична атмосфера, со многу музика, забава и без огномет 2026-та беше дочекана спектакуларно.
На Плоштадот Македонија присутните ги забавуваа нашите македонски естрадни уметници кои приредија забава за паметење. Граѓаните презадоволни, весели пред камерата на Алфа си посакаа традиционално како и секоја година пред се здравје, среќа и само убави моменти во Новата година.
Големата забава се отвори уште во 20 часот, а заврши со настапот на Каролина Гочева. Атмосферата е извонредна, приредена од нашите македонски ѕвезди.
Последните секунди за дочекот на новата 2026-та заедно со Скопјани ги одброја и првиот човек на Градот Скопје, Орце Ѓорѓиевски. Тој посака да се реализираат уште поголеми проекти во главниот град.
Меѓу граѓаните, на градскиот Плоштад најлудата ноќ ја помина и премиерот Христијан Мицкоски заедно со семејството.
Давид Крстевски
