Лицето кое по снежните навеви било отсечено во викендичка над селото Радња, во месноста Гатеново на планината Кожув, вчера успешно е пренесено во својот дом во Кавадарци.
Претходно тој одбил помош за транспорт затоа што не сакал да ги остави неговите две кучиња. Вчера сите беа безбедно евакуирани.
Екипа од Зимската служба за одржување на улици и патишта на Општина Кавадарци со трактор со специјализирана опрема, нож за сечење дрвја, и едно теренско возило успешно ја спровеле спасувачката акција.
Тој изразил голема благодарност до Општина Кавадарци и на сите инволвирани во неговата безбедносна евакуација, соопшти Центарот за управување со кризи.
