Со финансиски средства во износ од 2.416.108 денари, обезбедени од Министерството за транспорт целосно се реконструира улицата „5 Ноември“ во Струмица, соопштија од Општината.
Носител на проектот е локалната самоуправа, а улицата се реконструира во стар урбан блок 6, на потегот од улица „Славчо Стојменски“ до улица „Ѓорги Василев“.
-Во рамки на проектот предвидена е реконструкција на постојната инфраструктура, вклучително и замена на старите колектори со нови, како и подолжните шахти во должина од околу 200 метри, се наведува во соопштението од Општина Струмица.
Оттаму ги информираат граѓаните додека траат градежните активности ќе има времен режим на сообраќај и се апелира да го почитуваат.
