Славески: Инфлацијата во Македонија е повисока од еврозоната поради сè уште присутните очекувања дека цените ќе растат

Македонија сè уште има повисока инфлација во однос на еврозоната. Гувернерот на Народната банка, Трајко Славески, во интервју за Радио Слободна Европа, проблемот го лоцира пред сè во стравувањето дека цените и натаму ќе растат, со што директно се храни инфлацијата.

Славески очекува дека со мерките кои ѝ стојат на располагање на централната банка, за најмногу една до две години, инфлацијата ќе се стабилизира на два процента.