Растот на минималецот, покачените плати во здравството, образованието и полицијата, како и повисоките пензии не го смируваат Сојузот на синдикатите.
Тие излегоа на протест зашто минималната плата се покачила онака како што предвидува законот и методологијата, а не како тие што бараа – веднаш да достигне 500 евра.
Барањата ги кажаа на јавна седница која започна пред работничкиот дом, со една минута молк за жртвите од трагедијата во Кочани, па продолжија пред Собранието. Од парламентарците побараа да изгласаат минимална плата од 500 евра и и зголемување на сите останати плати за 100 евра.
Јавната седница продолжи пред стопанската комора каде Синдикатот побара зголемување на сите плати во приватниот сектор
Таканаречената јавна седница заврши пред Владата. Овде побараа да се повлече одлкуката за минималната плата, а функционерите да ја земаат најниската плата како и работниците.
Синдикатите да ги кажат барањата на економско социјалниот совет, а не на улица порача министерот за економија. Дурмиши вели дека во моментов нема репрезентативен синдикат а комисијата напорно работи за утврдување на репрезентативноста. Дурмиши вели дека одлуката за минималецот морал да ја потпише согласно законот пред 31 март.
Од владејачката партија реагираат дека играта на синдикалците била прочитана и никој не им верувал. ВМРО-ДПМНЕ и денеска обвинува оти раководството на ССМ дебело се бофатело и го злоупотребувало синдикатот
Минималната плата од месецов изнесува речиси 24 400 денари. Владата ја остави можноста платите да се зголемат и повеќе, но доколку за тоа се согласат работниците и работодавачите.
