Членовите на Извршниот одбор на Синдикалната подружница на ЗК “Пелагонија“ во Битола, денеска одржаа предупрадувачки протест пред управната зграда на Комбинатот. Тие бараат исплата на регрес за годишен одмор за 2019 година согласно спогодбата од декември ланската година, со која менаџментот се обврза за исплата до 30 јуни годинава. Од друга страна, се бара враќање на претседателот на синдикатот кој е отстранет од работа, спротивно на Законот за работните односи, со обвиннение дека на работа делувал политички. Не е точно, туку сосема спротивно, првиот човек Цеветан Панделески делуваше политички, вели синдикалниот лидер Мендо Милевски.
-Кога го прашав што бива со К- 15, ми вика турнете ја оваа влада ако сакате К- 15 да има. После тоа следи ова во кое е наведено дека јас политички сум дејствувал врз вработените да гласаат за една политичка партија. Отстранет сум од работно место заради делување и сум растурал пропаганден материјал. Не е вистина, еве ги вработените и нека дојде некој и нека каже дека сум агитирал или сум го пронидувал- рече Милевски.
Претседателот на граѓанскиот Агро- синдикат на ССМ Живко Даневски рече дека менаџеритте на Комбинатот мораат да исплатат К-15 и да го вратат претседателот на работа, зашто го крашат Законот за работните односи. Во целост ги подржуваме барањата на вработените и со сите средства ќе ги браниме нивните интереси рече Даневски. Од раководството на ЗК “Пелагонија“беше речено дека имаат состаноци и немаат време да остварат средба со новинарите. Од претходно, околу 300 работници имаат поднесено тужби заради неосновано кратење на платите и овој потег го сметаат како обид за заплашување.
Петар Стефановски
