Земјотрес со јачина од 5,2 степени според Рихтеровата скала е регистриран ноќеска во југозападниот брег на островот Евија во Грција, соопшти Европскиот медитерански сеизмолошки центар (EMSC).
Земјотресот се случил 27 минути по полноќ по локално време, а епицентарот бил на 37 километри североисточно од Атина и на 14 километри од градот Неа Макри. Земјотресот бил на длабочина од 10 километри. Потресот, пропратен со силен звук, бил почувствуван во целата област Атика и поширокиот регион на Атина. Според грчките медиуми, засега не се пријавени повредени и материјални штети.
