Унгарија нема да даде зелено светло за воена интервенција на Европската Унија во Украина, ниту пак за каква било друга мерка што потенцијално би го спречила мирното разрешување на кризата, изјави министерот за надворешни работи на Унгарија, Петер Сијарто, во пресрет на неформалниот собир на дипломатите од земјите членки на ЕУ во Копенхаген.
Во објава на „Фејсбук“, Сијарто изрази очекување дека за време на состанокот ќе биде изложен на интензивен притисок.
„Мислам дека ќе се обидат да го скршат нашиот отпор и нашиот став во поддршка на мирот,“ напиша тој.
„Секоја средба на министрите за надворешни работи на Унијата се сведува на притисок, притисок и притисок, предлози за војна, повеќе пари и оружје за Украина. Но ние нема да се откажеме од нашиот став, затоа што ја спроведуваме волјата на унгарскиот народ и го штитиме нашиот суверенитет,“ додаде шефот на унгарската дипломатија.
