Средношколците од угостителскиот смер во Државното средно училиште „Коле Нехтенин“ денеска учеа како да приготват суши и онигири автентични јапонски јадења. Под менторство на Кјоко Нишикава шеф-готвач во Амбасадата на Јапонија идните угостители имаа можност да ги совладаат традиционалните техники на јапонската кујна.
– Денеска подготвуваме онигири и суши. За подготовката на суши треба ориз, оризов оцет, сушени морски алги – вели Нишикава.
Директорката на СОУ „Коле Нехтенин“-Штип, Јованка Шалева вели дека ова гостување на претставници од амбасадата на Јапонија е почеток за една убава соработка, а на овој начин учениците имаат и практична настава.
– Во кујната на нашето училиште секогаш се готви нешто ново и вкусно. Меѓутоа денеска имаме нескојдневна прилика, наши гости да бидат претставници од јапонската амбасада, кои што за нашите ученции ќе подготват дел од нивните специјалитети. Ова е почеток за една идна соработка при која што ќе имаме прилика пак ние да им ги покажеме нашите специајлитети – рече Шалева.
Професорот Горан Антониевски вели дека ова е одлична презентација на јапонската храна.
– Најпрво готвачот од јапонската амбасада направи квиз прашања за запознавања со јапонската култура, гастрономска понуда. Потоа направија презентација и сето тоа во моментот направија дирекна подгтовка на храната. Се подгтовуваа суши и онигири – вели Антониевски.
