Штипското комунално претпријатие „Исар“ утринава со апел водата да се користи рационално, бидејќи од синоќешното невреме во Пробиштипскиот Регион има прекин на електричната енергија со што Хидросистемот „Злетовица“ има потешкотие во работењето. Во соопштението на ЈП „Исар“-Штип се наведува дека екипите на ХС „Злетовица“ работат на санирање на проблемот. Инаку, градот Штип со вода за пиење се снабдува преку цевководот од ХС „Злетовица“.
-Поради силното невреме кое го зафати пробиштипскиот реон како и прекинот со напојување на електрична енергија , ХС „Злетовица” има потешкотии во работењето и снабдувањето со вода ќе биде отежнато или делумно прекинато.Поради тоа замолуваме за крајно рационално користење на водата се до нормализирање на состојбата.Екипите на ХС „Злетовица“ работат на санирање на штетите пд невремето и нормализирање на водоснабдувањето-се вели во соопштението на ЈП „Исар“-Штип.
Во општина Пробиштип се санираат штетите од синоќешното невреме, а делови од Општината немаат електрична енергија. Од општина Пробиштип информираат дека за разлика од претходното невреме синоќа има помал број на пријавени штети од страна на граѓаните.
