Со вкупен долг околу 160милиони денари, штипската Клиничка болница, ја завршува годината. Најголем долг околу 30милиони денари имат кон Републичкиот завод за трансфузиологија, како и кон компаниите добавувачи на лекови и друг медицински потрошен матрејал Најголем дел од долговите, околу 30милиони денари се кон Републичкиот завод за трансузиологија
„Штипската Кличка болница наследи вкупен долг од 190милиони денари. Доспеани обврски имавме околу 160милиони денари. Успеавме за овие четири до пет месеци, да ги намалиме за околу 30милиони денари. Вкупниот долг сега е 160милиони денари, а доспеаните обврски се 132милиони денари. Најголем долг имаме кон Републичкиот завод за трансфузиологија. Беше 40милиони, успеавме да го намалиме за 10милиони денари„ изјави Мирјана Ефремова
За наредната година е предвидено штипската Болница, да функционира со поголем буџет. Освен набавка на нова медицинска опрема, за наредната година се планира со работа да почне Ургентниот центар, а модуларната болница да се преадаптира во амбуланти за специјалистички прегледи.
„Имаме инвестиции во градежни објекти. Таму спаѓаат Ургентниот центар. Предвидена е реконструкција на модуларната болница. Планирано е реконструкција на кровната конструкција на инфективното одделение. Предвидени се инвестиции во медицински апарати„ изјави Мирјана Ефремова.
Во годината што изминува, за сервисирање на медицински апарати потрошени се околу 11милиони денари. Додека по основ на партиципација која ја плаќаат пациентите за болнички лекувања на одделенијата, болницата има загуба од околу 8милиони денари.
Александра Ристевска
