Поефикасна локална администрација, подобри комунални услуги, поодржлив јавен превоз и поголема финансиска стабилност на општините. Ова се дел од приоритетите во новиот Стратегиски план на ЗЕЛС за наредните пет години.
Според скопскиот градоначалник во изминатите две години Владата обезбедила значителна поддршка за општините во реализација на инфраструктурни проекти, меѓу кои изградба на патишта, канализации и проекти од комуналната сфера, но, сепак за вистинско јакнење на локалната власт неопходна е поголема финансиска самостојност и попредвидливо буџетско планирање.
„Бараме најмалку 10 проценти од ДДВ и 50 проценти од персоналниот данок, по примерот на европските општини. Без предвидливо финансирање не може да има реална децентрализација – рече Ѓорѓиевски“, изјави Орце Ѓорѓиевски – претседател на ЗЕЛС
Во фокусот на ЗЕЛС останува и продлабочувањето на децентрализацијата, особено во делот на социјалната заштита. Од Заедницата сметаат дека општините најдобро ги познаваат потребите на граѓаните и треба да имаат поголема улога во обезбедувањето социјални услуги.
„Општините најдобро ги познаваат потребите на граѓаните и затоа е логично тие да имаат поголема улога во овој сегмент. Во пресрет на летната сезона формиравме кризен штаб за подобра координација на опремата и човечките ресурси во итни ситуации – рече Ѓорѓиевски.истакна Ѓорѓиевски.
За локалната власт најголемиот предизвик и понатаму останува наплатата на даноците, кои се едни од најниските во регионот и Европа. Потоа тука е и превработеноста во општините, долговите на јавните претпријатија, но и недостигот на пожарникари кои што се потребни во борбата со огнените стихии.