Медицински робот влезе во хирушка сала на Клиниката за урологија. Изведена е првата робот-асистирана операција во Mакедонија. Четворица пацинети со карцином на проста веќе се оперирани со демо роботот.Овој систем има функционални прсти, но на операцијата ги управува хирург. Пациентите се оперирани со минимално инвазивна метода. Директорот на Клиниката д-р Башким Шабани, за Алфа го објаснува процесот на хирушкиот зафат, каде што со само еден отвор се овозможува максимална прецизност, помала траума помалку болка и само неколку дена хоспитализација.
“Пациентите кои се оперирани со роботска хирургија, хоспитализацијата трае максимум 3 – 4 дена.Во споредба со другите методи лежат подолго време.Така што штедиме и на хоспитални денови и на другите трошкови што следуваат со третманот на пацинетите” – изјави д-р Башким Шабани, директор на Клиника за урологија.
Демо роботот чини 1, 8 милиони евра, и според директорот Шабани потребно е државата да набави таков апарат. Ќе им се олесни и на пацинтите и на хирурзите но и на Фондот за здравство.
“Апаратот реално не е скап многу, мислам дека за државата не е голема цената.Сите развиени европски уролошки центри веќе имаат долго искуство со робот асистирана хирургија.Мислам дека со помош на Министерството ФЗОМ и Владата би било добро да се набави тој апарат” – изјави д-р Шабани.
Операциите ги изведе тимот на Клиниката за урологија.
Овој роботски систем покрај во урологијата ќе има можност да се користи и во гинекологијата и во други хируршки домени во рамките на државното здравство.
