Откупнта цена на земјоделските производи во Македонија бележи значителен пораст што значи повеќе пари за земјоделците и поголеми можност за инвестициии. Според последниот извештај на Државниот завод за статистика евидентиран е раст од 12.7 % кај растителното производство и 6.7 % кај добиточното производство, додека трошоците пораснале значително помалку.
За 1.6% се зголемиле тековните трошоци, а 7.6 % повеќе пари од лани биле потребни за инвестиции. Ова значи дека земјоделците заработиле затоа што растот на откупната цена е поголем од тој на трошоците. Според премиерот ова е тренд веќе неколку месеци наназад и е позитивен сигнал за секторот
Имаме двоцифрен раст на аутпутот, односно зголемување на цените кон откупувачите, коишто генерално оди за извоз, и би рекол незначителен 1,2 2 % зголемен импут во трошоците, во расходната страна на земјоделците. И тоа е веќе неколку месеци и тоа е одлично. Тоа е одличен параметар, тоа значи повеќе пари за инвестиции и повеќе пари за земјоделците.“, информираше премиерот.
Владата ги расчисти долговите за неисплатени субвенции кон земјоделците до 2024-та година и сега треба да почне исплатата за тековната година. За заостанати субвенциии од 2021 година, лани се исплатени повеќе од 130 милиони евра
„Од 2021 плаќавме од 2021, 2022, 2023-та и 2024-та година, мислам дека е заокружена. Сега треба да се размислува за тековната година. Така што од 2021 година се плаќаат заостанати субвенции од 8,6 милијарди денари, од прилика.“, објасни Мицкоски.
Од министерството за земјоделство, шумарство и водостопанство во текот на вчерашниот ден информираа дека се исплатени 340 милиони денари субвенции за обележани грла говеда. Покрај расчистувањето на старите долгови кон земјоделците Владата паралелно спроведува неколку мерки со кои ќе се поттикнат земјоделците. Една од нив е проектот „ млад земјоделец“, со кој се нудат до 10 илјади евра поддршка на земјоделци од 18 -40 години.
