Екипите на „Македонија Пат“ Подружница Петровец вечерва околу 21 часот ги расчистија двата поголеми одрони од карпи на автопатот Скопје-Велес, на локација кај манастирите и на потпорниот ѕид на Тунелот кај Башино Село на влезот во Велес, информираат од Подружицата на Македонија пат Петровец кои вечерва работеа на расчистување на одроните од карпи, предизвикани од поројните дождови доцна попладнево.
Тие посочија дека додека траело расчистувањето на карпите, екипи на МВР го регулирале сообраќајот на двете коловозни ленти од автопатот Скопје-Велес.
Воедно екипите на „Македонија Пат“ подружница Петровец го отстраниле и паднатото дрво на левата коловозна лента пред велешката патарина Сопот, од автопатот Скопје-Велес.
