Се поизвесно е дека власта ќе ги извиси вработените со договор на дело во јавното здравство. Огласи нема, а деновите до распишување на изборите се бројат на рака. Доктори, медицински сестри и техничари револтирани и разочарани протестираа во округот на Клиничкиот центар.Тие со години работат во здравствените установи, без договори, без здравствено осигурување и за минимална мизерна плата.Прашуваат ќе има ли слух Владата за нив, или повторно ќе бидат прелажани? Дел од нив веќе размислуваат да си ја бараат среќата надвор од Македонија, каде нивната работа ќе се цени повеќе.
Здравствените работници добија поддршка и од синдикатите.
Наместо трансформација на работниот однос, надлежните одлучија преку огласи за вработување да им дадат шанса на многуте здравствени работници кои се со договор на дело.
Досега само во две здравствени установи меѓу кои и во Клиничката болница Тетово има огласи за вработувања.
Трајно вработување на здравствените работници беше најавено на официјална прес конференција во Владата пред Нова година од страна на Ковачевски, Бесими и Меџити, но се уште нема реализација. Во меѓувреме дел од овие лица немаат ниту нови договори и работат без пари во здравствените установи.
Ања Лукарова
