Претседателот на Собранието, Африм Гаши денеска остварил проштална средба со Фатих Улусој, пред неговото заминување од мисијата вонреден и ополномоштен амбасадор на Република Турција во Македонија.
Како што соопшти собраниската прес-служба, на средбата, Гаши изразил благодарност и признание за придонесот на амбасадорот во унапредување на билатералните односи и политичкиот дијалог меѓу двете пријателски земји.
-Заемно беа потврдени одличните политички односи меѓу Македонија и Република Турција и беше реафимиран интересот за натамошно унапредување на меѓупарламентарната соработка на билатерален и мултилатерален план, за проширување на успешната економска и инвестициска соработка, како и за интензивирање на соработка во сите области од заемен интерес, стои во соопштението.
Заблагодарувајќи му се за плодната и интензивна соработка, претседателот Гаши му посакал на амбасадорот Улусој успех во идните професионални ангажмани и изрази надеж дека тој и во иднина ќе продолжи силно да ја поддржува Македонија, додаваат од собраниската прес-служба.
