Прилеп го распиша конкурсот за пријавување поединци и институтции за доделувањето на наградата „3 Ноември“ за денот на конечното ослободување на градот.
Наградите и признанијата се доделуваат на физички и правни лица за особени достигнувања и остварувања од значење за општествениот, стопанскиот, културно-уметничкиот и политичкиот живот, како и за придонес во развојот и афирмацијата на општина Прилеп.
Предлози може да поднесат претпријатија, здруженија, граѓани и други заинтересирани субјекти.
-Предлозите треба да бидат образложени и аргументирани, со наведување на достигнувањата и придонесот на кандидатот во соодветната област, за периодот од 3 Ноември 2025 година до денот на поднесување на предлогот. За наградата за животно дело се предлагаат кандидати кои подолг период се истакнувале со значајни остварувања и посебен придонес во својата област, стои во известувањето одлкалната самоуправа на Прилеп.
Предлозите се доставуваат до Комисијата за одбележување значајни настани, личности и празници при советот на Општината, преку приемното одделение во локалната самоуправа или на адреса: ул. „Прилепски бранители“ бр. 1, Прилеп.
Краен рок за доставување на предлозите е 9 октомври 2026 година.
