Претседателот на Собранието Африм Гаши денеска престојуваше во работна посета на Општина Кичево, каде оствари средба со градоначалникот, Александар Јовановски.
Како што информираат од собраниската прес-служба, на средбата е разговарано за актуелните прашања и приоритети на граѓаните на Кичево, како и за унапредување на соработката меѓу локалната самоуправа и државните институции.
Во рамки на посетата, Гаши присуствувал и на отворањето на пратеничките канцеларии за контакт со граѓаните.
Гаши истакнал дека ваквите канцеларии се важен механизам за непосредна комуникација меѓу граѓаните и нивните избрани претставници и придонесуваат за поголема отвореност и достапност на Собранието.
