Претседателката на „ВМРО ДПМНЕ Албанија“ Симонофски на средба со амбасадорот Трпевски

Претседателката на здружението „ВМРО ДПМНЕ Албанија“, Елена Симонофски, оствари средба со новиот македонски амбасадор во Тирана,  Веле Трпевски. 
 
-Од мое и од име на Македонците во Албанија му пренесов искрени честитки и му посакувам многу успех во неговата одговорна дипломатска мисија. Верувам дека меѓусебната соработка, поддршка и отворениот дијалог ќе придонесат за зацврстување на врските и создавање нови можности за македонската заедница во Албанија, информираше таа. 
 
Додаде дека средбата поминала во исклучително пријателска и конструктивна атмосфера, исполнета со корисни размисли, идеи и визии за идните активности. 
 
-Убедени сме дека следните чекори ќе донесат конкретни и позитивни резултати во многу скоро време, особено во насока на поддршка на нашата заедница, културата, младите и заедничките иницијативи. Продолжуваме со посветеност, ентузијазам и искрена желба за уште поголема соработка, напредок и успеси во периодот што следи, нагласи таа. 
 
Трпевски, кому ова му е втор амбасадорски мандат во Албанија, функцијата ја презеде деновиве.