Преполни контенјери кои прераснуваат во мали депониии и шират страшна миризба станува секојдневие за Скопјани. Поради ѓубрето кое е натрупано и разнесено на тротоарите, граѓаните се принудени да прескокнуваат кеси со смет. Ништо подобра не е ни состојбата на улиците и булварите кои не се метат редовно, а ретко се чистат и корпите за отпадоци.
Во обиколката која ја направи екипата на Алфа низ главниот град забележавме дека на неколку места дури и корпите за рециклирање отпад се преполни. Па граѓаните кои рециклираат тоа не можат да го направат и прашуваат како оние кои повикуваат на општествена одговорност, не си ја завршиле својата работаСпоред нив состојбата е алармантна. Смрдеата која доаѓа од неисчистените контејнери дополнително им го отежнува секојдневието со и онака енормно загадениот воздух. Апелираат до градската управа да биде поажурна, но и бараат компаниите кои поставуваат канти за рециклирање отпад да ги празнат редовно.
,,Не се чисти доволно, лошо е” кажа граѓанин
,,Лоша е состојбата, секој ден смрдеа ни доаѓа на терасите од кантите” кажа граѓанка
,,Не се чисти редовно, не доаѓаа ниту да метат” изјави граѓанка
За експертите проблемот е децениски. Сметаат дека се потребни темелни и системски решенија и меѓуинституционална соработка. Проблемот го адресираат во Град Скопје, кој нема обезбедено оптимални услови за работа на надлежните претпријатија.
,,Градот Скопје којшто е надлежен за јавните комунални претпријатија сеуште ги нема дооекипирано за да можат нормално да функционираат. Нема системи за контрола и евиденција колку отпад влегува, каде се носи, немаат ваги, тие едноставно немаат систем каде оди тој отпад и што со него се прави”, изјави еко активистот Тони Никушевски.
Сликата со пореполни контејнери во разни делови на Скопје често се повторува, но главната борба е како главниот град да воспостави добар систем за управување со отпадот кој треба да даде решение за дивите депонии во густо населени градски подрачја. Од градската управа долго време молчат и не одговараат ниту едено прашање, а со самото тоа останува неодговорено до кога во главниот град тротоарите ќе се претвораат во диви депонии.
