Скопје е релативно празно. Го нема секојдневниот метеж во главниот град. Продолжениот викенд за Велигден, скопјани ќе го поминат во познатите македонски туристички места ама и надвор од границите. Покрај Охрид кој се очекува да биде преполн со домашни туристи, голем дел од македонските граѓани ќе отпатуваат и во соседна Грција..
Дел од граѓаните ќе заминат и на некои европски дестинации каде што веќе имаат уплатено аранжмани. Од туристичките агенции велат дека и покрај глобалните неизвесности сите аранжмани се потврдени и откажувања- нема. Нема ниту поскапувања на труситичките понуди. Поради стравот кај дел од македонските граѓани од неизвесноста на Блискиот Исток, одлучиле место ОАЕ и Египет, да одмараат во Шпанија, Италија и скандинавските земји за претстојните празници. Од таму додадаваат дека се очекува трендот на барање понуди за европските метрополи да продолжи и во следниот период, по оптимистичките најави за почетокот на мировните преговори помеѓу Иран и САД.
ТЕЛОП Т.А.
„И покрај случувањата на Блискиот Исток, интересот за патувања не опаѓа-напротив,се забележува пренасочување на туристите кон поблиски и побезбедни дестинации како Шпанија, Италија,Франција,Скандинавските метрополи и други медитерански земји. Искуството покажува дека туризмот брзо се прилагодува и се враќа по вакви кризи,а желбата за патување останува висока. Сезоната започнува стабилна,со благо враќање на довербата кај патниците, и секако со наш позасилен фокус за сигурност и флексибилност при резервации“ ни соопштија од Туристичката агенција Фибула.
Туристичките работници очекуваат цените на аранжманите да останат непроменети и да се движат во рамки на првично одредените цени. Но, според нив, се зависи од текот на разговорите помеѓу САД и Иран. Ако се договорат, тогаш цената ќе остане иста. Можно покачување на аранжманите очекуваат само поради поскапувањето на авионските карти, кои пак директно зависат од цената на нафтата на светските берзи.
