Биењето на камбаните на полноќ ја донесе радосната вест за Христовото Воскресение. Православните христијани ги преполнија храмовите низ државата и се радуваа на Христовата победа над смртта.
Соборниот храм и утрината осамна со верници на велигденската богослужба. Запалија свеќи за здравје, среќа, бериќет и мир и оставија по едно вапсано црвено јајце на иконите.
Верниците кои се воздржуваа од јадење мрсна храна во 40-дневниот велигденски пост, се причестија на утринската пасхална Златоустова литургија. По седум неделниот пост православните христијани ќе седнат на мрсна трпеза.
Најголемиот христијански празник Велигден е денот кога Исус Христос ја докажал својата божествена моќ и воскреснал од мртвите.со овој празник според црковното учење верниците се преродуваат како луѓе, и како личности бидејќи со своето воскреснување синот божји Исус Хрисотс го победува нечестливиот и ги отвара рајските врати за спасение за секој човек.
Давид Крстевски
